અકસ્માત - કરજણ સેવાસદન ચોકડી પાસે ટ્રક ના પૈડાં ફરી વળતા બાઈક ચાલકનું મોત

                 ટ્રક ના પૈડાં ફરી વળતા મૃતદેહની ગંભીર હાલત

નેશનલ હાઇવે નં 48 પર આજે સાંજ ના સમયે બાઈક સવાર ને ટ્રક એ અડફેટે લીધા બાદ તેના પર ટ્રક ના પૈડાં ફરી વળતા તેનું ઘટના સ્થળે મોત થયું હતું.નેશનલ હાઇવે 48 પર મુંબઈ થી વડોદરા તરફ આજે સાંજે કરજણ જુના બજાર પાસે આવેલા સજ્જન પાર્ક માં રહેતા ૧૬ વર્ષીય કરણભાઈ ઘનશ્યામભાઈ તડવી કરજણ સેવાસદન ચોકડી પરથી પસાર થઈ રહ્યા હતા.

તે દરમિયાન ત્યાંથી જતી ટ્રકે તેમને અડફેટે લીધા હતા.જેમાં

કરણભાઈ તડવી પર ટ્રક ના તોતિંગ પૈડાં ફરી વળતાં શરીરના અંગોનો ભેજો બોલી ગયો હતો.અને તેવો નું ઘટના સ્થળેજ કરુણ મોત નીપજ્યું હતું.

સાંજના સમયે બનેલા અકસ્માત ને પગલે નેશનલ હાઇવે પર ટ્રાફિક જામ ના દ્રશ્યો સર્જાય હતા.ઘટનાની જાણ કરજણ પોલીસ ને થતા ઘટના સ્થળે પહોંચી ટ્રક ચાલક ને પકડી પડવાના ચક્રોગતિમાન કર્યા હતા.અને મૃતદેહ ને પોસમોટમ માટે કરજણ સરકારી દવાખાને મોકલી આપ્યો હતો. 

          અકસ્માત સર્જેલ ટ્રક તેમજ ચાલક ને ઝડપી પાડ્યો

તો બીજી તરફ કરજણ પોલીસ દ્વારા પોર અને વરણામાં ની વચ્ચેથી જ ટ્રક ચાલકને ઝડપી લેવામાં આવ્યો હતો.કરજણ પોલીસે ટ્રક ચાલકને ટ્રક સહિત પોલીસ મથકમાં લઈ આવ્યા હતા.

           બે કાર વચ્ચે અકસ્માત બને કાર ને ભારે નુકસાન

આ સમગ્ર ઘટનાની તાપસ ચાલી રહી છે અને બીજી તરફ એજ સેવાસદન ચોકડી પર ફરી બે કાર વચ્ચે અકસ્માત સર્જાયો.જેમાં સદ નસીબે બંને કાર ચાલકો ને સામાન્ય ઇજાઓ પહોંચી હતી અને ફરી કરજણની સેવાસદન ચોકડી પર ટ્રાફિક જામ ના દ્રશ્યો સર્જાય હતા.