તંત્ર હજુ કેટલાના મોત ની રાહ જોશે...?પોઇચા નર્મદા નદીમાં 7 જેટલા પ્રવાસીઓ ડૂબ્યા..!

ઉનાળાની કાળઝાળ ગરમીમાં સહેલાણીઓ દૂર દૂર થી અનેક નદીઓમાં નાહવા અને ગરમીથી રાહત મેળવા માટે આવતા હોય છે.હજુ મહીસાગર કિનારે આવેલા કોટના કિનારે વડોદરાના બે યુવકો પાણીમાં ગરકાવ થયા નો બનાવ હજુ તાજો છે.તેવામાં આજે નર્મદા કિનારે આવેલ પોઇચા ખાતે નહાવા આવેલા 3 બાળકો સહિત સાત જેટલા પ્રવાસીઓ ડૂબ્યા હતા સ્થાનિક તરવૈયા કરજણ ફાયર બ્રિગેડ તેમજ ડભોઇ ફાયરના જવાનો ની મદદથી શોધખોળ ચાલી રહી છે.
આ બનાવની મળતી પ્રાથમિક માહિતી અનુસાર, મૂળ અમરેલીના અને હાલ સુરત ખાતે રહેતા લોકો આજે સવારે પોઇચા ખાતે પહોંચ્યાં હતા. જ્યાં નર્મદા નદીમાં બાળકો સહિત 8 લોકો નદીમાં નાહવા માટે પડ્યાં હતા. દરમિયાન ત્રણ બાળકો સહિત આંઠ લોકો એકા એક નદીના પાણીમાં ડૂબવા લાગ્યા અને બચાવ બચાવની બૂમો પડતા સ્થાનિકો દોડી આવ્યાં હતા.
નદીમાં ડૂબી રહેલા લોકો પૈકી એકને સ્થાનિકોએ બચાવી લીધો હતો. જ્યારે ત્રણ બાળકો સહિત સાત લોકોની ફાયર બ્રીગેડ દ્વારા શોધખોળ હાથ ધરવામાં આવી રહીં છે. મળતી માહિતી અનુસાર, સુરતથી કર્મકાંડની વિધિ માટે પોઇચા આવેલા પરિવારના વ્યક્તિઓ નર્મદા નદીમાં સ્નાન કરવા ગયા અને પાણીમાં ગરકાવ થતા મોતને ભેટ્યાં હોવાની માહિતી પ્રાપ્ત થઇ રહીં છે.
મહત્વની વાત છે કે, ઉનાળાની રૂતુમાં મોટી સંખ્યામાં લોકો નર્મદા નદીના કિનારે નાહવા માટે આવી પહોંચી છે. જોકે સલામતીના ભાગરૂપે અહીં કોઇ પણ પ્રકારની સલમતીની સુવિધાઓ ઉપલબ્ધ નથી, છતાં જીવ જોખમમાં મુકી લોકો નદીમાં નાહવા પહોંચે છે અને તંત્ર આંખ આડા કાન કરી આવી ઘટના બનવાની રાહ જોતી હોય તેવું લાગે છે.
શિનોર ના દિવેર નર્મદા કિનારે પણ હજારોની સંખ્યામાં દૂર દૂર થી સહેલાણીઓ આવતા હોય છે ત્યાં પણ આવી કોઈ અનિચ્છનીય ઘટના સર્જાઈ તો જવાબદાર કોણ..?ટુક સમયમાં દિવેર મઢી ખાતે નર્મદા કિનારે નાહવા માટે આવતા સહેલાણીઓ પર તંત્ર રોક લગાવે તો નવાઈ પામશો નહીં...