મારેઠા ગામે 40 વર્ષીય ઇસમનો મૃતદેહ ડી-કમ્પોઝ હાલતમાં મળી આવતા ચકચાર

મારેઠા ગામે રહેતા અજય ઉદેસિંહ રાઠોડિયા ગત તા 5/10/22 ના રોજ ઘરે થી કોઈપણ જાતની જાણ કર્યા વગર નિકળી ગયા હતા.પરિવારના સભ્યો દ્વારા સગા સંબંધીમાં અને આસપાસના ગામોમાં  ભારે શોધખોળ બાદ પણ તેઓનો પત્તો લાગ્યો ન હતો.જ્યારે આજે સવારે મારેઠા ગામના સ્મશાન પાસે આવેલી ઝાડી ઝાંખરમાં ભારે દુર્ગન્ધ આવતા ગામ લોકોએ દુર્ગન્ધ વાળી જગ્યાએ ચેક કરતા લટકતી હાલતમાં ઈસમનો મૃતદેહ મળી આવ્યો હતો.ત્યારબાદ આ વાતની જાણ વાયુવેગે ગામમાં ફરતા લોકટોળાં એકત્રિત થઈ ગયા હતા.

સમગ્ર ઘટના ની જાણ ગામના નગરજનો દ્વારા મકરપુરા પોલીસને કરતા મકરપુરા પોલીસ ઘટના સ્થળે પહોંચી તપાસ હાથધરી હતી.

મૃતકના મામા ના જણાવ્યા પ્રમાણે દશેરાના દિવસ થી ગુમ અજયભાઈ કોઈને કહ્યા વગર નીકળી ગયો હતો.આજે ગામના લોકોએ જાણ કરતા અમે અહીં દોડી આવ્યા હતા.અને મૃતદેહ ને જોતાં જ અમારા પગ નીચેથી જમીન ખસી ગઈ હોય એમ લાગ્યું હતું...

લોકચર્ચા :- જો અજયભાઇ ઉદેશીંહ રાઠોડિયા દ્વારા આત્મહત્યા કરી તો એના મૃતદેહ ને નીચેથી સળગાવ્યો કોને..અજય ભાઈ રાઠોડિયા ની હત્યા થઈ હોય એવું લાગી રહ્યું છે ,ગ્રામજનો