વરસાદે વિરામ લેતા કારવણ રેલવેનું ગળનારું ખાલી થયું પૂનઃ વાહનવ્યવહાર ચાલુ થયો.

            કારવણ રેલવેનો અંડરપાસમાં વાહનવ્યવહાર ચાલુ થયો

● પાણી ભરાઈ જતા બંધ કરવામાં આવ્યો હતો અંડરપાસ

● બે ફાઇટર મશીન મૂકી પાણી ઉલેચવામાં આવ્યું

● આજે પુનઃ વાહનવ્યવહાર ચાલુ થયો

વડોદરા જિલ્લામાં છેલ્લા ત્રણ દિવસથી ધોધમાર વરસાદ વરસી રહ્યો છે.જેને પગલે અનેક ગામોમાં પૂરની પરિસ્થિતિ ઉભી થઇ છે. ત્યારે ડભોઇ તાલુકાના કાયાવ્હોરણ ગામે વરસાદી પાણી ભરાતા અનેક લોકો ફસાયા હતા.કરજણ અને ડભોઇ ને જોડતી નવીન રેલવે લાઇન ના કામને પણ આખરીઓપ આપવામાં આવી રહ્યો છે.ત્યારે રેલવે મેનેજમેન્ટ દ્વારા તૈયાર કરાયેલા અંડરપાસ માં 12 ફૂટ સુધીના વરસાદી પાણી ભરાઈ જતા વાહનવ્યવહાર બંધ થઈ ગયો હતો..

કાયાવ્હોરણ ના રહીશો દ્વારા ઓવરબ્રિજ ની માંગણી કરવામાં આવી હતી પરંતુ અંડરપાસ બનાવવામાં આવ્યો હતો જેમાં ત્રણ દિવસથી વરસી રહેલા વરસાદ ને પગલે પાણી ભરાઈ જવાથી કાયાવ્હોરણ થી પોર તરફ જતો મુખ્યમાર્ગ પર આ રેલવેનો અંડરપાસ આવેલો હોવાના કારણે તેમાં 12 ફૂટ જેટલુ પાણી ભરાઈ જતા વાહનવ્યવહાર બંધ થયો હતો અને સાધલી થી વડોદરા તરફ આવતા વાહનચાલકો ને વાયા કરજણ થઈ ને વડોદરા આવવાનો વારો આવ્યો હતો..

જયારે આજે વરસાદે વિરામ લેતા અંડરપાસ માં ભરાયેલું પાણી બે ફાઇટર મશીન મૂકી બહાર ઉલેચવામાં આવ્યું હતું ..સતત 5 દિવસથી ચાલતા આ ફાઇટર મશીન થી પાણી ખાલી કરી આજે સવારથી જ વાહનવ્યવહાર ચાલુ કરવામાં આવ્યો છે.