માંજલપુર માં વિશ્વામિત્રી ના કિનારે કુદરતી હાજતે ગયેલા યુવાન પર મગરે મારી તરાપ ગંભીર ઇજાઓ પહોંચી

વડોદરા શહેરના માંજલપુર સનસીટી પાસે આવેલા ગણેશનગર ના પારસી બીસ્તા પાસે રહેતા યુવાન પર મગરે હુમલો કરતા તેને પીઠના ભાગે અને બંને હાથના ભાગે ગંભીર ઇજાઓ પહોંચી હતી.જેથી તેને સારવાર અર્થે સયાજી હોસ્પિટલમાં લઈ જવામાં આવ્યો હતો.જ્યાં તેની હાલત નાજુક હોવાનું સૂત્રો દ્વારા જાણવા મળ્યું છે.

ઇજાગ્રસ્ત યુવાન

વડોદરા શહેરના વિશ્વામિત્રી કિનારે આવેલા ગણેશ નગરમાં રહેતા લાલભાઈ પ્રવીણભાઈ ઠાકોર ઉં 28 ત્યાં છેલ્લા ઘણા સમયથી રહે છે.ગતરોજ મંગળવારે સાંજે તેઓ વિશ્વામિત્રી કિનારે કુદરતી હાજતે ગયા હતા.તે વખતે નદી કિનારે મહાકાય મગરે તેઓ પર તરાપ મારી હતી.મગરની તરાપ માં તેઓના પીઠના ભાગે અને બંને હાથના ભાગે ગંભીર ઇજાઓ પહોંચી હતી.જેથી તેઓને સારવાર અર્થે સયાજી હોસ્પિટલમાં લાવવામાં આવ્યા હતા અને ત્યાં તેઓની સારવાર હાથધરવામાં આવી હતી.

સમગ્ર બનાવની જાણ માંજલપુર પોલીસને કરવામાં આવતા માંજલપુર પોલીસે કાયદેસરની કાર્યવાહી હાથધરી છે.